Luis Dias «Barselona»ga o‘tish uchun bor kuchi bilan harakat qilmoqchi

«Liverpul» vingeri Luis Dias Ispaniya top-klubiga o‘tish uchun qo‘lidan kelgan barcha ishni qilishda davom etmoqda. Mundo Deportivo xabariga ko‘ra, kolumbiyalik futbolchi Kataloniyaning «Barselona» klubiga o‘tish g‘oyasiga mukkasidan ketgan.

Eslatib o‘tamiz, Luisga avvalroq «Liverpul»ning 60 million yevrolik moliyaviy talablarini qondirishga tayyor bo‘lgan «An-Nasr» qiziqish bildirayotgan edi. Shunday bo‘lsa-da, Dias faqat «Barselona»ga o‘tmoqchi. Shu bilan birga, kataloniyaliklar hozircha kolumbiyalik futbolchining transferi uchun pul ajrata olmayapti.

Dias «Liverpul» safida 2022 yilning yanvaridan buyon to‘p tepib kelmoqda. O‘shandan beri futbolchi ingliz jamoasi bilan ichki arenada barcha mumkin bo‘lgan sovrinlarni qo‘lga kiritdi.

Yangilik manbasi – https://stadion.uz/