Arteta: «Bizga so‘nggi zarba yoki uzatma yetishmadi»

«Arsenal» bosh murabbiyi Mikel Arteta APL 28-turidan o‘rin olgan «Manchester Yunayted»ga qarshi o‘yinda jamoa muvaffaqiyatsizlikka uchraganini izohladi.

Jamoalar o‘rtasidagi bahs 9 mart, yakshanba kuni Manchester shahridagi «Old Trafford» stadionida bo‘lib o‘tdi va 1:1 hisobida durang bilan yakunlandi.

«Birinchi bo‘limda ajoyib harakat qildik, ammo raqib darvozabonini sinab ko‘rmadik. Bizda ajoyib vaziyatlar bo‘ldi, ammo zarba yoki so‘nggi uzatma yetishmadi. Biz bu vaziyatlardan foydalanmadik, shoshildik, yakkakurashlarda yutqaza boshladik va yakunda mag‘lubiyatga uchrashimiz mumkin edi. Ba’zida imkoniyatlardan foydalanish qobiliyatimiz yetishmaydi. To‘p mos keladigan futbolchiga borishi va u zarba berishi kerak,» – deya Artetaning so‘zlarini keltiradi BBC.

Yangilik manbasi – https://stadion.uz/