«Yuventus» jamoaning asosiy darvozaboni shartnomasidagi sotib olish variantini qo‘llaydi

Turinning «Yuventus» klubi «Monsa»dan ijara asosida o‘ynayotgan darvozabonni shartnomasidagi sotib olish variantini faollashtirdi.

Jurnalist Nikolo Shkiraning xabar berishicha, «Yuventus» rahbariyati Di Gregorio bilan shartnomani sotib olish imkoniyatidan foydalangan.

Kelasi yozdan boshlab 27 yoshli italiyalik darvozabon to‘laqonli «byankoneri» futbolchisiga aylanadi. 2029 yilgacha bo‘lgan shaxsiy shartnoma shartlari kelishib olindi, Di Gregorio yiliga 2,2 million yevro maosh oladi.

Joriy mavsumda Mishel Di Gregorio klub safida barcha turnirlarda 29 ta o‘yinda maydonga tushib, 13 ta o‘yinda o‘z darvozasidan gol olib chiqmadi.

Yangilik manbasi – https://stadion.uz/