Dortmundning “Borussiya” klubi bosh murabbiyligi uchun asosiy da’vogar nomi ma’lum bo‘ldi

Dortmundning “Borussiya” klubi bosh murabbiylikka asosiy nomzodini aniqladi. Shu tariqa, klub rahbariyati «Bavariya»ning sobiq ustozi Niko Kovach bilan shartnoma imzolamoqchi, deb xabar beradi Rur Nachrichten.

Manbaga ko‘ra, «Borussiya»da bosh murabbiylikka bir nechta nomzodlar bor, ammo klub sport bo‘limi Kovach variantiga ishonmoqda.

Niko Kovachning so‘nggi ish joyi “Volfsburg” bo‘lgan va bungacha u “Monako”, “Bavariya” va “Ayntraxt”larni boshqargan. Niko Kovach «Ayntraxt» bilan Germaniya kubogini qo‘lga kiritdi. “Bavariya” bilan xorvatiyalik mutaxassis Bundesliga, Germaniya kubogi va Germaniya Superkubogida g‘olib chiqqan.

Yangilik manbasi – https://stadion.uz/