Santyago Ximenes «Milan»ga o‘tishini baholadi

«Milan» Santyago Ximenes uchun 40 million yevro taklif qilishga tayyor.

Chorshanba kuni «Bavariya»ga qarshi Chempionlar ligasi o‘yinida (3:0) ikkita gol urgan 23 yoshli forvard uchun «Feyenoord» talab qilayotgan summa shu.

O‘yindan so‘ng meksikalik forvard Rotterdam klubini tark etish ehtimolini baholadi: «Ko‘ramiz, nima bo‘ladi. Oldinda hal qiluvchi haftalar bor va hammasi Xudoning qo‘lida. Men «Feyenoord» va uning muxlislarini yaxshi ko‘raman, ular men uchun birinchi kundan beri juda ko‘p ish qilgan. Men ularga ko‘p gollar sovg‘a qilaman».

Joriy mavsumda Ximenes barcha musobaqalarda 18 ta o‘yinda 15 ta gol va 3 ta golli uzatmani amalga oshirdi.

Yangilik manbasi – https://stadion.uz/