9 turdan so‘ng «MYU» APLda o‘z tarixidagi eng past ochkolar soni bo‘yicha ikkinchi yomon natijasini qayd etdi

Kecha «Manchester Yunayted» safarda «Vest Xem»ga 1:2 hisobida mag‘lub bo‘ldi. Erik ten Xag jamoasi chempionatda halokatli natijalarga erishdi, chunki ular 11 ochko bilan turnir jadvalida 14-o‘rinni egallab turibdi.

Bundan tashqari, Opta portali xabariga ko‘ra, «qizil iblislar» to‘qqiz turdan keyin Premyer-ligada o‘z tarixidagi eng past ochkolar soni bo‘yicha ikkinchi o‘rinda turadi. «Manchester Yunayted» kamroq ochko jamg‘argan yagona mavsum 2019/20 yilgi mavsum edi (10 ochko). O‘sha mavsum yakunida «qizil iblislar» 66 ochko jamg‘arib, uchinchi o‘rinni egalladi.

Eslatib o‘tamiz, «Manchester Yunayted»ning APLdagi navbatdagi o‘yini 3 noyabr kuni o‘z maydonida «Chelsi»ga qarshi o‘tkaziladi.

Yangilik manbasi – https://stadion.uz/