«Fenerbaxche» qishda bir qator transferlar amalga oshiradi

«Fenerbaxche» yaqin orada Ansu Fati variantiga qaytadi.

AS xabariga ko‘ra, turk klubi qishda o‘z tarkibini kuchaytirish ustida faol ish olib borishni rejalashtirgan. Bosh murabbiy Joze Mourinyo jamoada «Barselona» vingeridan tashqari «Tottenxem» himoyachisi Serxio Regilonni ko‘rmoqchi.

Yozda «Fenerbaxche» Fatini ijaraga olish imkoniyatiga qiziqish bildirgandi. Istanbul klubi sport direktori Mario Branko yaqin haftalarda xuddi shu maqsadda Ansu vakillari bilan bog‘lanishi kutilmoqda.

Ayni paytda Turkiya jamoasi yarim himoyachisi Ismoil Yuksekka «Atletiko», «Benfika» va «Marsel» klublari qiziqish bildirmoqda. Madridliklar yozda futbolchi uchun 3 million yevro taklif qilgan bo‘lsa, «Fenerbaxche» 10 million so‘radi.

Yangilik manbasi – https://stadion.uz/