Xoselu Karvaxalning jiddiy jarohati haqida gapirdi

«Real»ning sobiq hujumchisi Xoselu «Qirollik klubi» futbolchisi Dani Karvaxalning jarohati haqida fikr bildirdi. Futbolchi kecha «Vilyarreal»ga qarshi o‘yinda (2:0) jarohat olgandi.

«Bu men bilan sodir bo‘lsa yaxshi bo‘lardi. Men buni ko‘z yoshlarim bilan yozyapman. Ishonchim komilki, Dani bu yo‘lni munosib bosib o‘tadi. Men siz bilanman», – deb yozgan ispaniyalik hujumchi ijtimoiy tarmoqlarida.

Karvaxal yaqinda orada operasiya qilinadi. Futbolchining tiklanishining aniq muddati hali e’lon qilinmagan. To‘qqiz o‘yindan so‘ng “Real” 21 ochko to‘pladi va La Liga turnir jadvalida ikkinchi o‘rinda bormoqda.

Yangilik manbasi – https://stadion.uz/