«Bavariya» yanvarda Danteni qaytarishi mumkin edi

Myunxenning «Bavariya» klubi sobiq markaziy himoyachisini shu yilning yanvar oyida jamoaga qaytarishi mumkin. Gap hozirda Fransiyaning «Nissa» jamoasida to‘p surayotgan 40 yoshli Dante haqida ketmoqda.

Jurnalist Filipp Kesslerning yozishicha, yanvar oyida «Bavariya» yangi markaziy himoyachi qidirayotganida rahbariyat iyungacha shartnoma taklif qilinishi mumkin bo‘lgan Danteni qaytarish variantini ko‘rib chiqqan. Natijada «Bavariya» bu fikrdan voz kechishga qaror qildi va Londonning «Tottenxem» klubidan Erik Dayerni taklif qildi.

Eslatib o‘tamiz, 2013 yilda Dante «Bavariya»ga Chempionlar ligasi, chempionlik va Germaniya kubogini yutishda yordam bergan.

Yangilik manbasi – https://stadion.uz/