Anchelotti «Real Madrid» bosh murabbiyi sifatida o‘zining 300-o‘yinini o‘tkazdi

24 sentyabr, seshanba kuni “Real” Ispaniya chempionati 7-tur uchrashuvida “Alaves”ni mag‘lub etdi (3:2).

Bu o‘yin madridliklar bosh murabbiyi Karlo Anchelotti uchun jamoa boshqaruvidagi 300-o‘yin bo‘ldi. Italiyalik mutaxassis «Qirollik klubi» tarixida bu ko‘rsatkichga erishgan ikkinchi shaxsga aylandi.

Anchelotti «Real» bilan 216 g‘alaba, 45 durang va 39 mag‘lubiyat qayd etgan. Murabbiy klub bilan 2013 yilning iyulidan 2015 yilning mayigacha ishlagan, keyin esa 2021 yilning iyulida jamoaga qaytgan va hozirgacha uni boshqarib kelmoqda.

«Real Madrid» bosh murabbiyi sifatidagi o‘yinlar soni bo‘yicha rekord 1960-1974 yillarda jamoa bilan ishlagan va jamoa bilan 605 o‘yin o‘tkazgan (357 g‘alaba, 128 durang, 120 mag‘lubiyat) Migel Munyozga tegishli.

Yangilik manbasi – https://stadion.uz/