Dovbik Ukrainaning sentyabrdagi o‘yinlarida ishtirok etmaydi

O‘tgan mavsumda “Jirona” bilan La Liganing eng yaxshi to‘purari bo‘lgan Italiyaning “Roma” klubi hujumchisi Artem Dovbik Millatlar ligasining sentyabr oyidagi o‘yinlarida Ukraina terma jamoasiga yordam bermaydi, deya xabar bermoqda Ukraina futbol assosiasiyasi ijtimoiy tarmoqda.

«Artem Dovbik jarohati sababli sentyabr oyida Millatlar ligasi o‘yinlarini o‘tkazib yuboradi», – deyiladi xabarda.

Ukrainaliklar 7 sentyabr, shanba kuni Albaniya terma jamoasiga, 10 sentyabr, seshanba kuni esa Chexiya terma jamoasiga qarshi maydonga tushadi.

Yangilik manbasi – https://stadion.uz/