Baleba: «Manchester Yunayted»ga o‘tish — orzum ushalishi»

Yarim himoyachi Karlos Baleba «Manchester Yunayted»ga o‘tganidan so‘ng ilk fikrlarini bildirdi. Futbolchi klub bilan 2031 yilgacha mo‘ljallangan shartnoma imzoladi.

«Orzumdagi klubga o‘tish — ajoyib tuyg‘u. «Old Trafford»da o‘ynash har doim alohida, ammo buni «Manchester Yunayted» libosida amalga oshirish men uchun ulkan sharaf bo‘ladi», — deya futbolchining so‘zlarini klub rasmiy sayti keltirmoqda.

«Maykl Kerrik bilan ishlashni boshlashni sabrsizlik bilan kutyapman. Uning tajribasi va o‘yinni tushunish qobiliyati meni eng yuqori darajaga olib chiqishga yordam beradigan ideal murabbiy ekanini ko‘rsatadi.

Klubning maqsadlari juda aniq, kelajak esa nihoyatda istiqbolli ko‘rinmoqda. Men birgalikda erisha oladigan muvaffaqiyatlarimizga o‘z hissamni qo‘shishga qat’iy bel bog‘laganman», — dedi Baleba.

Eslatib o‘tamiz, Baleba bunga qadar «Brayton» safida to‘p tepgan. U klub tarkibida 112 ta uchrashuvda maydonga tushib, 4 ta gol urgan va 2 ta golli uzatmani amalga oshirgan.

Yangilik manbasi – https://stadion.uz/